Dalëngadalë po i vjen fundi edhe një viti në “The Top List”, një klasifikim muzikor, i cili për hir të së vërtetës mbetet një ndër promovuesit më të mirë të muzikës dhe artistëve të rinj. Nga java në javë, listës i shtohen projekte të reja dhe artistë të rinj, duke pasuruar sa më shumë tregun muzikor shqiptar.
Ndërkohë që vitit 2024 po i vjen fundi, ne kemi vendosur të kthehemi pas në kohë dhe të rikujtojmë dhjetoret e viteve të kaluara dhe këngët që kanë kryesuar listën në atë kohë.
Në dhjetorin e vitit 2015-të, kur edhe për herë të parë lindi klasifikimi zyrtar i “Top Awards”, ka qënë 2TON me këngën “Ani Nasht”, reperi që ka kryesuar për dy javë rresht.
Në vitin 2016-të, kënga që ka rezultuar tepër e pëlqyer ka qenë “Kryt Nalt” kënduar nga 2po2 dhe UniKKatiL.
Ishte nëntori i vitit 2017 kur Miriam Cani u rikthye në muzikë mjaft fuqishëm dhe ishte pikërisht kënga“Meteor” që e renditi atë në vendin e parë për dy javë rresht në muajin dhjetor.Alban Skënderaj është një artist që sigurisht nuk mund t’i mungojë vendeve të para dhe kështu ka ndodhur pikërisht në vitin 2018-të. Tre javët e para të këtij muaji festiv janë kryesuar nga kënga “Nëntor, 26”, një baladë që u shndërrua në të preferuarën e publikut në ato kohë. Ndërsa kreu i dhjetorit 2019-të erdhi me Diona Fona dhe EAZ me “Ti je”. Në vitin 2020 ka qenë Yll Limani ai që ka kryesuar dhjetorin me “Leje”. Vitin 2021 sjell në krye Capital t dhe Elvana Gjatën me “Flakë”.
Në vitin 2022 kemi në fron sërish Elvana Gjatën me Gran Error dhe Antonia me “Clap Clap”. E një vit më parë, në 2023, froni është ndarë mes “Frymë” nga Luiz Ejlli dhe “Obsesion” nga Alban Skënderaj me nga 2 javë në vend të parë të listës.
E tashmë që kemi hyrë në dhjetorin e 2024, këtë javë të parë të klasifikimit e ka rrëmbyer “Ti m’ke braktis” nga Big Basta, Lyrical Son dhe Mc Kresha. Por na mbetet të presim e të shohim se kush do të mbizotërojë deri në javën e fundit të vitit.
