Vitin e kaluar ajo u vlerësua me çmimin “Artist to Watch” në ceremoninë e ndarjes së çmimeve të “Top Music Awards” dhe vërtet ishte mëse e merituar.
Gjatë gjithë vitit të kaluar, Kida nuk i ka munguar asnjë javë klasifikimit të 100 këngëve të muzikës moderne shqiptare. Java e parë e vitit të ri e gjen Kidën në ‘top 3-shen’ e artistëve me më shumë këngë në klasifikim.
Këngëtarja kosovare me 5 prurjet e saj ka arritur të hyjë në 3-shen e këngëtarëve me më shumë këngë në klasifikimin ku bëjnë pjesë Capital T, Alban Skënderaj dhe Ledri Vula.
Projekti i saj “Kce” është hyrja më e re e Kidës e cila për këtë javë renditet 23-ta. Gjithashtu bashkëpunimi i saj me Fero, “Harroj” është pëlqyer dhe votuar nga publiku të cilët e kanë pozicionuar në vendin e 7-të.
Sa i përket këngëve të tjera të saj; “Pe du” zë vendin e 11-të, “Don’t Say No More” në vendin e 14-të dhe “Anderr” është në të 16-in. 3 nga 5 këngët e saj janë ngritur me nga 2 pozicione këtë javë në “The Top List”.
Artistët e tjerë të cilët së bashku me Kidën plotësojnë grupin e këngëtarëve me më shumë këngë në listën zytare të “Top Awards” janë Capital T me 8 projekte, Alban Skënderaj me 6-të dhe Ledri Vula me 4. Edhe këta tre këngëtarë ashtu si Kida, kurrë nuk i kanë munguar klasifikimit të 100 këngëve të muzikës moderne shqiptare duke u pozicionuar në vendet me të mira të tij.
