Ju kishte munguar Vesa Luma?! Sigurisht që po, e po ashtu dhe ne!

Këngëtarja, është rikthyer sërish në skenë dhe publiku nuk mund të ishte më i lumtur se kaq. Vesa Luma ka qenë një nga të ftuarat speciale në spektaklin e humorit “Portokalli”.

Ashtu siç dhe jemi mësuar tanimë, “Portokalli” sjell çdo javë personazhe të famshëm nga fusha të ndryshme të artit. Vesa ka ardhur këtë të diel në petkun e aktores, por sigurisht dhe duke performuar hitet e saj, ku mori të gjithë dashurinë e publikut.

Artistja, e cila prej disa vitesh u shkëput nga muzika për shkak të zhvendosjes së saj në Zelandën e Re, ka paralajmëruar para disa muajsh që ky vit do ta rikthente atë fuqishëm në muzikë. Shpresojmë që shumë shpejt Vesa do të vijë me projekte të reja.