Gent Disha është një nga këngëtarët e rinj i cili u lançua për herë të parë në festivalin e muzikës “Jeho”. Por hiti, kënga më e bukur, ishte ajo me titullin “Betohem”, një këngë e kompozuar dhe orkestuar nga Kledi Bahiti, duke bërë që të renditej eksluzivisht në vendin e parë.

Eksperiencë kjo që shërbeu si trampolinë për karrierën e tij muzikore. Gent Disha, ka përfunduar liceun artistik dhe aktualisht ndjek studimet në Universitetin e Arteve. Që në moshë të vogël ai u dallua për talentin e tij, zërin e bukur dhe mënyra se si arrinte të interpretonte vokale të ndryshme e përpos kësaj dhe këngë të ndryshme.

Ai ka provuar dhe karrierën si aktor duke luajtuar në serialin e famshëm hit për adoleshentët, “Snob”. Aty Genti luante në rolin e një prej protagonistëve. Pas përfundmit të xhirimit të serialit, ai së bashku me Ketjona Pecnikaj, një tjetër aktore e “Snob”, sollën këngën “A mjaftojmë”, e bazuar pikërisht në personazhet që ata luanin.