G-Bani: “Tekstet e këngëve që kam shkruar në BBV4 ishin për…”

I ftuari i radhës në emisionin “A je bre normal?” nga Meriton Mjekiqi, ka qenë G-Bani. Kjo intervistë është zhvilluar pak pasi ai doli nga shtëpia e “Big Brother VIP 4”, teksa kujtojmë që të martën ai rihyri sërish në lojë nga votat e publikut pas një televotimi. G-Bani na rrëfeu shumë të pathëna nga karriera e tij, eksperienca brenda në shtëpi, marrëdhënien me banorët e tjerë, por dhe shumë detaje të tjera personale…

Cila është e vërteta e takimit tënd me Xhenetën, pasi ka pasur shumë aludime në rrjet?

Kur e takova Xhenetën para disa ditësh, nuk e takova me atributin e gjinisë së bukur, por e kam takuar në atributin e një motre. Sepse unë babain e saj e njoh, kam punuar në restorantin e dajave të Xhenetës, në Malmo, në Suedi. Kam punuar rreth një vit aty, kur kam qenë i dënuar me detyrim paraqitje në Suedi dhe duhej të trefoja një dimension të karakterit tim më të ligjshëm. Ia njoh babain dhe nënën Xhenetës, kështu që e kam takuar si motër.

Çfarë keni biseduar me Xhenetën?

Emri i Gjestit u përmend në bisedë. Do të ishte hipokrizi, do të ushte gënjeshtër e madhe të thonim që nuk është përmendur. Njerëzut kujtojnë se unë u përjashtova preh Gjestit. Unë nuk u përjashtova prej Gjestit, u përjashtova për gjestin që bëra unë kundrejt Gjestit. Nuk ishte faji i Gjestit, ai tha çfarë tha, ajo lojë nervash është. Gjesti është një djalosh që për mendimin tim, i shet të gjitha, traditën, besën, të tëra për lojën e vet. Unë nuk kam nevojë t’i vërtetoj militantëve ose fansave të Gjestit se sa e kam dashur dhe sa e kam përkrahur unë, sepse veprat flasin vetë, ka video që kush do që t’i shohë, i shikon.

Nëpër portale është thënë që ti ke dalë kundër produksionit të “Big Brother VIP” në disa postimet të tuat në rrjete sociale. Si është e vërteta?

Zakonisht portalet janë shumë të sigurta për mendimin që kanë, janë shumë të sigurta për opsionin që paraqesin. E vërteta qëndron shumë ndryshe, nuk ka lidhje fare me produksionin. Unë inatin nuk e kam absolutisht me produksionin, unë e kam me banorët e rinj që kanë ardhur dhe me ato të vjetrit që e kanë mësuar Gjestin. Unë dyshoj se nga banorët e rinj, janë përdorur informacione nga jashtë, për të krijuar një lloj aleance me Gjestin. Portalet e kanë bërë aludimin sepse unë nuk jam treguar i qartë me postimet e mia që të them që e kisha për banorët. Por unë pres kohën e caktuar, pres rastin e caktuar. Sepse jam kontaktuar dhe nga mediat dhe për banorët që dalin dhe unë nuk u jap dorën. Kjo sepse unë kam rezervat e mia për sa i përket banorëve të rinj që kanë ardhur aty dhe mënyrës se si janë sjellur. Unë dyshoj që banorët e rinj përcjellin informacione nga jashtë, përdorin fjalë që përdorin nëpër rrjete sociale, si fjala ‘qorr’. Sigurisht që më ka lënduar, mua, babait, nënës e vëllait iu ka ndryshuar jeta prej këtij lëndimi të syrit. Prindërit e mi kanë bërë gjithçka, ne kemi lënë atdheun tonë e kemi shkuar të marrim rrugët e botës prej kësaj.

Si i sheh vajzat e shtëpisë në “Big Brother VIP”?

Shumica e vajzave kanë lojë. Unë e kam parë dhe edicionin kur ke qenë ti dhe besoj se loja vazhdon. Janë të pakta ato vajza që kur flasin me ty, flasin me ty e jo me kamerat e me mikrofonin dhe publikun. Valbona ka shumë agresivitet, të mos ketë njeriu shkëlqim në sy… Herën e fundit kur bëra fjalë me Danjën, erdhi duke më bërtitur në fytyrë. Në sytë e saj nuk kishte shkëlqim, nuk kishte shenjë jete. Ishte sikur po shikoje atë kukullën e filmit horror, “Chucky”. Sidomos me Valbonën unë jam munduar të jap pjesë të shpirtit, deri diku kam pasur një simpati për të, jo pëlqim aq sa e kam luajtur sepse u desh të bëhej dhe loja. Pas situatës tek dushi kam dashur disi që t’ia marr hakun. Në fillim ka qenë simpati për Valbonën, pastaj ka qenë njëfarë loje. Pastaj kur erdhi Danja ranë të gjitha ato…

A do ta ktheje atë simpati për Valbonën?

Jo, jo, qoftë larg. Kurrë. Ajo ishte si një tip vaksine për të mos pasur ndjenja për njerëz të tjerë të gabuar. Janë ca njerëz, që ti bën të përqafosh murin, por muri mur mbetet. Valbona kundrejt meje ka qenë mur. Edhe kur kam shkuar ti them një sekret, ajo ka shkuar t’ia thotë të tjerëve, ma ka përdor kundër. Nuk ka qenë një njeri që mundesh t’i besoje, të ndieje ndonjë lloj njerzillëku nga ajo.

Çfarë mendimi ke për Eglin?

Egli ka shumë dimensione. Egli është edhe e dashur, edhe e mirë, edhe e dashuruar me Gjestin. Por është dhe posesive, dhe intrigante, është dhe manipuluese, edhe oportuniste. Është dhe lojtare e dobët që po kapet e po bëhet paterica e Gjestit, është dhe frikacake.

Kemi parë që kur ishe brenda shtëpisë ke shkruar tekste këngësh. A do të dalin ato?

Nuk do të dalin, sepse i kam shkruar për dikë aty. Më ka frymëzuar bukuria shpirtërore. Nuk mundem të tregoj, kam shkruar për një nga vajzat aty. Kam shkruar poezi aty, por që kur kam dalë i kam harruar dhe mund të them që i kam djegur që të mos i bëj. Më kanë djegur, më kanë bërë shkrumb e hi… (qesh)

Të pëlqejnë më shumë vajzat e Shqipërisë apo të Kosovës?

Kanë një bukuri vajzat e Shqipërisë, kur flasin atë gjuhën letrare, kanë shumë feminilitet. Por kur dëgjon vajzat e Kosovës që flasin shqipen, më duken më ‘nice’. Të dyja kanë bukurinë e vet, por vajzat e Kosovës më pëlqejnë pak më shumë. Por nuk më marrin për burrë mua vajzat e Kosovës sepse jam katolik. Më ka ndodhur dy herë, dhe e ka pasur problem familja e tyre.

Një herë kam qenë në dashuri, një herë kemi pasur një lidhje serioze, dhe të dyja herët ka ekzistuar ky problemi. Kam dashur të këmbëngul por nuk kam mundur, sepse vajza duhet të bëjë të lumtur bashkëshortin dhe veten e saj, por dhe familjen.

A do që të krijosh një familje e të martohesh?

Po, shumë dua. Dua të krijoj familje me një vajzë, ta dua shumë, të më dojë, të bëjmë 2-3-4 beba. Besoj se krijimi i familjes është cikli i jetës, është kuptimi i jetës për çdo njeri. Unë besoj shumë tek familja, besoj se familja është gjëja më e shenjtë.

Ke ndonjë emër vajze me të cilën do që të sjellësh një bashkëpunim?

Kam paur takim me një vajzë artiste, emrin nuk po ia përmend sepse me ne këngëtarët ndryshojnë shumë herë situatat. Por janë 2-3 kolege me të cilat kemi shprehur idenë për të pasur bashkëpunim. Nuk jam i hapur për bashkëpunime me këdo, jam i hapur për bashkëpunime me vajza që kanë një karrierë. Nuk jam i hapur për bashkëpunime me njerëz që tani po futen në industri.

Si e vlerëson Hip-Hop sot?

Hip-Hop ka një sound fresh, por nuk ka kulturë. Muzika ka evoluar, nuk është më ‘old school’. Sa i përket pjesës së repit shqiptar është më mirë tani, sepse njerëzit po e shikojnë më mirë profesionalisht, investimet janë më të mëdha, media po e pranon më shumë, po na jepet më shumë liri e mundësi. Unë nuk e kam imagjinuar para disa vitesh që të jem artist Hip-Hop dhe të pranohem në “Big Brother VIP”.

G-Bani ndau po ashtu dhe një detaj interesant gjatë intervistës:

Nuk pi më bar, e kam lënë barin që në 14 qershor 2024 kur u futa në operacion në spitalin e Çelsit për t’u bërë synet. Jam katolik por jam bërë synet. Kishim një pyetësor dhe të bëjnë një kontroll rutinë, më ka pyetur doktori se sa partnere seksuale kam në vit. I thashë një numër shumë modest, se nuk gënjej, por i thashë një numër të cilin ai e konsideroi të mjaftueshëm për të më rekomanduar të bëhem synet, pasi ulet përqindja e sëmundjeve ngjitëse me 60-70%, plus pastërti. E pyeta sa kushton dhe më tha që nuk kushton fare, ta bëjmë falas. Me pas një makinë, e të të thotë një mekanik që po ta rregullojmë makinën falas, çfarë do thuash, jo? Dhe u bëra synet. Që atëherë nuk kam pirë më bar.