Artisti i njohur Capital T i ka qëndruar besnik stilit të tij muzikor që nga fillimi i karrierës. Ai po vazhdon t’i mbajë fansat afër vetes me lançimin e projekteve të njëpasnjëshme.
Capital T ka publikuar projektin e tij të ri muzikor. “Miss Me” titullohet kënga që e rikthen reperin në stilin e tij të vjetër.
Në ditën e publikimit, reperi tha në rrjetet sociale se kjo këngë nuk është e vetmja këngë që do të publikojë këtë verë. Ai tha se me këtë lançim, është vetëm fillimi.
Artisti do të organizojë “Time Capsule III – The Return” në kryeqytet më 16 gusht, në stadiumin “Selman Stërmasi”, koncert të cilin e organizoi për herë të parë në 2019. Po ashtu dhe vitin e kaluar e mbajti në Prishtinë, ku të ftuar special kishte Akon.
