Çdo këngë e Yll Limanit arrin të marrë gjithë vëmendjen e duhur dhe të rrëmbejë menjëherë zemrat e të gjithëve, duke u cilësuar kështu si ndër artistët më të preferuar të publikut. Ylli, me zërin dhe këngët e tij aq të veçanta ka arritur që përherë të përçojë tek publiku emocion, çfarëdo moshe që ata të kenë.
Pas suksesit të këngës së tij të fundit, bashkëpunimi me Loredanën “Kriminele”, artisti tregoi se nuk ka aspak ndërmend të pushojë. Artisti ka publikuar projektin e tij të ri që ka hyrë këtë javë në klasifikimin e ”The Top List”.
“Ulu” ka si tematikë dashurinë, ashtu si pothuajse shumë këngë të artistit. Le të themi se Ylli është tërësisht i pagabueshëm në këtë aspekt.
Teksti është shkruar nga vetë ai, ndërsa videoklipi i këngës është krijuar me animacion. Kënga më e re e Yllit “Ulu”, në vetëm pak ditë ka arritur një super sukses duke u renditur në vendin e parë në Top Awards, duke grumbulluar shumicën e votave të publikut edhe pse një hyrje e re për javën. Me këto ritme duket se artisti parashikohet të qëndrojë gjatë në krye.
