Qendresa vjen më provokuese se kurrë! Artistja shqiptare ka publikuar projektin e saj më të ri, “Besitos”, një këngë që që në titull të bën kurioz dhe premton shumë ritëm, sensualitet dhe atmosferë vere.

Me një titull që nuk kalon pa u vënë re, “Besitos” duket se është menduar për ata që duan muzikë me energji dhe pak më shumë flirt. Qendresa shfaq një tjetër anë të saj, duke i dhënë projektit një frymë moderne dhe të guximshme.

Vokali i Qendresës rrëshqet natyrshëm mbi beat, duke ndërthurur vulnerabilitetin me një lloj vetëbesimi të qetë. Siç është shprehur edhe vetë ajo, këngë të tilla janë krijuar për “të ndjekur perëndimet e diellit.”

“Besitos” është këtu dhe Qendresa duket se ka ardhur për të trazuar paksa skenën muzikore shqiptare.