Javën e kaluar Familia Ideale u bë pjesë e “The Top List” me projektin muzikor “Për pak Dritë”, i cili ka rreth 9 muaj që ka dalë në treg.
Gjatë kësaj jave Familia Ideale ka korrur një sukses të jashtëzakonshëm pasi ka mundur të ngjitet me 46 vende, duke u shndërruar në këngën që ngjitet me më shumë pozicione për këtë javë.
E renditur ne vendin e 4-t, duket se grupi i ri ka goditur në shenjë me këtë projekt muzikor, i cili ka sjellë në qendër të vëmendjes hip-hopin toskë.
Por përveç këtij suksesi të grupit, një tjetër anëtar i Familia Ideale është bërë pjesë e “The Top List” me projektin e tij “solo”.
D. Real, njëri prej anëtarëve të grupit, ka shpjeguar për “Top Awards” se “Dikur” është një frymëzim nga jeta e tij personale. Me tekst të vetë këngëtarit, “Dikur” pozicionohet në vendin e 50-ë.
