Nio dhe Melisa janë dy ndër artistët më të rinj që i bashkohen “The Top List” këtë javë. “Parameno” është bashkëpunimi me të cilin ata debutojnë në Top Awards.
Melisa Lleshi, e lindur më 6 dhjetor 1997, është një modele, këngëtare dhe balerinë shqiptare, e cila fitoi shumë popullaritet në programin e dashurisë “Përputhen”. Karriera e saj personale është përqendruar si modele dhe balerinë profesionale gjatë viteve të fundit. Ajo gjithashtu ishte pjesëmarrëse në Miss Universe Albania 2017. Në shkurt 2021 ajo lançoi këngën e saj të parë debutuese “U kry”. Pas kësaj ajo vijoi me publikimin e shumë këngëve të tjera, duke përfshirë “Atij”, “Sma ndjen”, “Adios”, “Mama”, “Shok”, “Shumë kohë”, e të tjera. Bashkëpunimi me Nio, në “Paramano”, e sjell atë për herë të parë në Top Awards.
Nio është një prej emrave më të rinj të skenës muzikore shqiptare. Edhe pse në hapat e parë të karrierës, pasioni për muzikën dhe talenti i Nios, bie padiskutim në sy. Projekti i tij i parë profesionalisht, është “Parameno”, bashkëpunimi me Melisa Lleshin. E duket se ky projekt sjell dhe shumë mbarësi për Nio, pasi “Parameno” është po ashtu dhe kënga me të cilën debuton në “The Top List”.
