Lira Blakaj është një nga hyrjet më të reja në listën e kësaj jave të Top Awards. Ajo ka publikuar këngën e saj që mban titullin “Mua” dhe ka hyrë kështu për herë të parë në “The Top List”.
Edhe pse një emër i ri i tregut, talenti i Lirës është për t’u vlerësuar dhe duket se ka një karrierë mjaft premtuese para. Por le të njihemi pak më shumë me të…
Lira Blakaj është një artiste, tekstshkruese dhe kompozitore nga Prishtina. Deri tani këngët e saj janë dëgjuar përmes zërave më eminent të industrisë shqiptare si Yll Limani, Dhurata Dora, Dafina Zeqiri, Loredana, Semi Jaupaj, etj. Së fundmi ajo ka filluar të ndajë nga paleta e saj krijuese këngë personale, duke bërë kështu debutimin e saj si këngëtare.
E inspiruar nga muzika pop, dance pop, rnb, dance electronic, disco, Lira synon të sjellë një profil të paeksploruar në muzikën shqiptare. “Mua” e ka pozicionuar Lirën në vend të 100-të të listës këtë javë.
