Mes dashurisë për violinën dhe asaj për muzikën… Nita Rechi bën një rikthim të fuqishëm këtë javë.
Artistja ka sjellë projektin e saj më të fundit në Ditën e të Dashuruarve, më 14 Shkurt. “Kthehu” mban titillin kënga e saj e re që ka hyrë në klasifikimin e kësaj jave të “The Top List”.
Nita Rechi në “Kthehu” sjell një baladë të ndjerë, ku dëshira për një rikthim bëhet gjithnjë e më e fuqishme në çdo varg. E pikërisht si titulli i kësaj kënge, Nita është kthyer në listë pas gati tre vitesh mungesë.
Ishte kënga “Larg” asokohe që e solli atë në klasifikim. E tani pas kësaj periudhe të gjatë, publiku e ka votuar këtë projekt për të qenë pjesë e listës së 100 këngëve më të mira shqiptare.
Shpresojmë që Nita tashmë të mos na mungojë më kaq gjatë me projektet e saj të reja. “Kthehu” mbyll Top 100 për këtë javë.
