Ka nisur “Big Brother Vip” edicioni i katërt! Nuk ka më pritje, spektakli më i madh dhe fenomenal që ka thyer shikueshmëri, ka hapur siparin.
Ledion Liço ka hapur spektaklin e gjithë shqiptarëve, teksa bashkë me të në studio ndodhen dy pensionistët e Big Brother Vip, Arbër Hajdari dhe Neda Balluku.
G-Bani është banori i dytë i shtëpisë më të famshme në Shqipëri. Ai realizoi performancën me këngën virale “Të dua”, me Anxhela Peristerin.
Pas kësaj moderatori Ledion Liço e prezantoi, jo si këngëtar, por banorin më të ri. G-Bani, emri i vërtetë i të cilit është Arban Përlala, është një reper dhe kompozitor shqiptar i njohur për kontributin e tij në skenën e muzikës rap dhe hip-hop. Ai lindi më 7 korrik 1981 në rrethin e Pukës dhe kaloi fëmijërinë në qytetin e Rrubikut, Mirditë.
G-Bani filloi karrierën muzikore në vitin 2005. Emri artistik “G-Bani” është një kombinim i shkronjës “G”, që në anglisht është iniciali i fjalës “Gold” (Ar), dhe “Bani”, që është shkurtimi i emrit të tij Arban. Gjatë karrierës së tij, G-Bani ka bashkëpunuar me artistë të ndryshëm dhe ka qenë aktiv në skenën muzikore shqiptare dhe ndërkombëtare. Muzika e tij është e disponueshme në platforma të ndryshme, duke përfshirë Spotify.
