Që kur u bë pjesë e Top Awards me projektin “Aroma jonë”, Vanesa Sono u bë edhe më e njohur për publikun, duke dalluar menjëherë për talentin e saj. Artistja është bërë pjesë e pandashme e klasifikimit të 100 këngëve më të mira moderne shqiptare, të “The Top List”.
Kjo sepse Vanesa Sono nuk ka të ndalur me projekte të reja muzikore. Dhe madje jo këngë dosido, por balada të mirëfillta.
Mund të themi se Vanesa tashmë është bërë një pionere e këtyre këngëve. Baladat janë pikërisht rryma ku artistja shkëlqen.
Tani Vanesa vjen para publikut në një tjetër skenë, atë të “Portokalli”. Ajo do të jetë një nga të ftuarat speciale në shfaqjen e humorit në natën e ndërrimit të viteve, ku do të argëtojë publikun me zërin e saj melodioz!
