I ftuar në “Big Brother Radio” në Top Albania Radio ka qenë këngëtari dhe ish-banori i shtëpisë më të famshme në Shqipëri, Lorenc Hasrama. I prezantuar në këtë format si këngëtar, humorist dhe një ndër personazhet më energjikë të programit, ai ka zbuluar më shumë rreth lojës së tij brenda “BBV” por edhe detaje në lidhje me karrierën dhe projektet e tij.
Çfarë nënkupton me pjesën ‘nuk kam luajtur’?
E kam fjalën për këto strategjitë në kuadër të lojës. Unë mendoj që gjithsecili në fund të ditës tregon veten e vet. Përmes “Big Brother” unë kam dashur që njerëzit që s’më njihnin të më njohin.
Si ishte eksperienca jote 1-mujore në “Big Brother”?
Ishte një eksperiencë e bukur dhe kishte emocione të forta. Unë eci me parimin që nuk do të merret njeri me hallet e mia dhe më pëlqen të qesh edhe kur jam i mërzitur. Fati im i mirë ka qenë që kam pasur një marrëdhënie shumë të mirë me banorët në përgjithësi kështu që besoj se kam dalë i lumtur nga ky program.
Çfarë mund të na thuash për marrëdhënien tënde me Vis Pupën?
Visin e kam pasur mik që jashtë. Aty brenda shumë njerëz që s’më njihnin mendonin që isha këngëtar dasmash, por unë jam më shumë këngëtar modern. Me Visin na ka puqur muzika shumë, unë e kam shum qejf humorin dhe Visi është humorist tipik.
Cilat ishin gjërat që të shqetësonin brenda shtëpisë?
E para të lante gjithsecili pjatën e vet. E dyta këto debatet e krijuara kështu nga hiçi, bëjmë debat këtë javë që të rrimë në shtëpi. Unë isha në nominim dy herë dhe po njësoj isha.
Si po shkon marrëdhënia jote jashtë?
Mirë jemi. Unë jam shumë njeri privat tek kjo pjesë. Por po ju them që unë jam shenja e Ujorit dhe ajo është një Luan.
Si ka qenë rikthimi yt në realitet pas “BBV”?
Unë jam natyrë që nuk para dal shumë dhe nuk është se kam shumë kontakt me njerëzit dhe aty duhet të ishe me shumë njerëz. Jashtë më kanë pritur goxha mirë.
Çfarë të tha babi kur dole?
Njerëzve të dashur ja kam prerë këtë pjesën e Big Brother, pasi më thonë jo duhet të kishe vepruar kështu… Të gjithëve iu duket e thjeshtë kur hyjnë njerëzit aty brenda.
A të doli ndryshe nga si e mendoje “Big Brother”?
Plane s’kisha bërë kur hyra. Hyra si Lorenci. Kam qenë diskutuar për të hyrë në fillim po u futa tani. E kam shijuar, por kam pasur edhe momente emocionale të forta. Nuk e kam ndjerë ndonjëherë veten pretendent për të fituar. Unë nuk kam luajtur dhe jam i vetmi që kam dalë nga ajo shtëpi pa pasur armiq.
