Nga java në javë, ajo ka korrur një sukses të jashtëzakonshëm, duke kapur majat e klasifikimit, ku për këtë javë është bërë pjesë e 5 këngëve më të nxehta të “The Top List”.
Bëhet fjalë për projektin e fundit muzikor të Janex, “Wannabe”, i publikuar që prej fillimit të muajit nëntor. Që në javën e parë të publikimit, “Wannabe” u bë pjesë e klasifikimit të 50 këngëve më të bukura të muzikës moderne shqiptare, duke u pozicionuar mjaft mirë.
Janex vazhdimisht lajmëron ndjekësit e saj në rrjetet sociale që ta votojnë këngën e saj në topawards.top-channel.tv dhe rezultatet janë të kënaqshme pasi përmes votave të publikut ajo mban vendin e 5-të për këtë javë.
Janex, e cila momentalisht po shijon disa pushime në Amerikë, New York, ka paralajmëruar gjithashtu projektin e saj të ri muzikor “Mermaids”, i cili pritet të publikohet në muajin Janar.
