Driton Berisha, apo i njohur ndryshe me emrin e tij të artit si XEX, ka lindur më datë 19.06.1992 në Winterberg, Gjermani. Artisti ka origjinën e tij nga Peja, Kosova. Fillimisht ai ka publikuar pesë këngë të rrymës Hip Hop në vitin 2008.
Prej këtij viti, nuk kanë munguar as koncertet lokale në Pejë dhe jashtë qytetit të Pejës. Nga ana profesionale ka filluar nga viti 2017, ku investimet kanë qenë më serioze, sidomos edhe angazhimi dhe dedikimi i tij ka qenë më serioz.
Në vitin 2018 XEX ka nënshkruar me një label nga Gjermania me të cilët ka punuar disa këngë. Pas bashkëpunimit 1-vjeçar ka pasur një pauz dy vjeçare në muzikë, deri në vitin 2021 ku u rikthye me këngën “BENZO X MA RAHAT” e realizuar tashmë nga vetë produksioni i krijuar nga ai “NAUTILUS ENTERTAINMENT”, që është me qendër në Prishtinë. Deri më tani janë realizuar pesë projekte të ndryshme, të cilat katër janë solo dhe e pesta është bashkëpunimi me Robb Daddy dhe Nonejm, “Sonte Funky”.
