Këngëtarja e njohur, Mira Konçi, ishe dje përballë Edi Manushit në “E Diell”, në një rrëfim të ndjerë për jetën e saj personale, familjare dhe karrierën.
Ndër të tjera, Konçi kujton koncertin e parë në vitin 1990, për të cilin thotë se shënjoi karrierën e saj në muzikë.
“Nuk isha pjesë e muzikës, isha dhe jam autodidakte. E ndjej veten me fat që isha pjesë e atij momenti dhe që u bë histori, që vazhdon të shkruhet”, u shpreh këngëtarja e njohur.
E ndërkohë, në ekran u shfaqën disa foto të vjetra të familjarëve të saj, një emocion i madh për të.
“Si foto filmash… Me nënën kam një lidhje të veçantë, është modeli im, qenia më e mençur që mund të njoh deri sot”, u shpreh ajo.
