Me Ekon jemi njohur vetëm pak muaj më parë, si një artist i ri në “The Top List”. Direkt u dallua talenti dhe stili i tij mjaft i veçantë.
Eko po ngjit me një vrull të menjëhershëm shkallët drejt suksesit. Ai ka ardhur brenda një kohe shumë të shkurtër me disa projekte muzikore.
E këtë javë ai na njeh me këngën e tij më të re. “Zemërthys” është publikuar së fundmi dhe ka hyrë në klasifikimin javor të “The Top List”.
Eko na tregon edhe njëherë stilin e tij kaq unik që e dallon dukshëm në tregun muzikor shqiptar. Nëse është apo jo “Zemërthys” Eko, këtë nuk dimë ta themi, por kjo këngë e pozicionon artistin në vend të 36-të aktualisht.
