Bletapertace është ndër artistët më të rinj të skenës muzikore shqiptare por me një talent të rrallë që bie menjëherë në sy. Bletapertace, është një emër i ri që bën zhurmë me veçantinë e tij të miksimit të disa zhanreve.
Edhe pse një reper i ri në moshë, talenti i tij është i padiskutueshëm. Bletapertace gjithnjë e më shumë po ngjitet në shkallët e suksesit të karrierës së tij.
Gjithmonë origjinal dhe i veçantë dhe kjo pasqyrohet më së miri tek projektet e tij. E thënë kjo, një tjetër perlë i shtohet klasifikimit të kësaj jave të “The Top List”.
Artisti ka publikuar projektin më të ri që mban titullin “Cornflakes n’tamel”. Kjo këngë është pjesë e albumit të tij të parë “Çka ki mu bo kur t’rritesh?”, i publikuar vetëm pak ditë më parë.
Duket se reperi është duke punuar fort dhe siç dhe e kemi thënë edhe më herët, ai është e ardhmja e hip-hopit shqiptar. Epo, bletapertace nuk është aspak përtace në fund të fundit!
