Aurel Thellimi rikthehet në “The Top List” me një këngë plot ndjenjë dhe domethënie. “Grua” është më shumë se një baladë dashurie, është një rrëfim i ndjerë për ndjenjat e një burri që nuk ka frikë të tregojë shpirtin e vet.
Në një kohë kur shpesh dashuria shihet si diçka që gratë e shprehin më hapur e më ndjeshëm, artisti na tregon se edhe burrat dashurojnë me po aq forcë, thellësi dhe përkushtim.
Që në notat e para, ndjesia e kësaj kënge është e pastër. Zëri i Aurel Thellimit përçon një emocion të thellë dhe të sinqertë.
“Grua” vjen si një rrëfim emocional që përmbys stereotipet, ajo na kujton se forca e burrit nuk qëndron në mbylljen e ndjenjave, por në guximin për t’i ndarë ato. Aurel Thellimi na kujton se edhe burrat dinë të dashurojnë fort!
