Adelina Berisha, e cila ka lindur më 11 shkurt të vitit 1991 në Kosovë, është një këngëtare shumë e njohur në trevat shqiptare.

Adelina ka nisur të merret me muzikë që në moshë të vogël dhe madje këngën e saj debutuese, ajo e ka bërë në moshën 4-vjeçare, me këngën “Te Kosova”. Ajo është vlerësuar me disa çmime nëpër festivale të ndryshme.

Për Adelinën muzika nuk është thjesht një pasion pasi ajo ka studiuar në shkollën e muzikës “Prenk Jakova” dhe ka mbaruar studimet për kanto dhe violinë.

Momentalisht Adelina është shndërruar në një ndër këngëtaret më të dashura të muzikës moderne shqiptare.