Ju kishin munguar Threex? Epo, ja ku rikthehen sërish këtë javë në “The Top List”, pas një periudhe mungese rreth një viti.
Erta Maria, Laura dhe Dea janë tre motrat që përbëjnë grupin muzikor të vajzave, Threex. Së fundmi, ato kanë publikuar projektin e tyre më të ri muzikor, që mban titullin “Eyes on me”.
Kënga e tyre e re ka hyrë këtë javë në klasifikimin e “The Top List” duke i renditur ato në vend të 35-të aktualisht. Duket se Threex tashmë janë rikthyer më fuqishëm se më parë.
Klipi vjen mjaft interesant dhe plot energji e ‘vibe’ të mirë, teksa teksti është në anglisht dhe në shqip. Shpresojmë që Theeex tashmë të mos bëjnë më mungesa kaq të gjata dhe të vazhdojnë jenë pranë publikut me projekte të reja muzikore.
