Jonid Gjoka është një prej hyrjeve më të reja të tregut. Këtë javë ai debuton në Top Awards me këngën e tij të parë të sapopublikuar, “Ku je”.
Jonid Gjoka ka lindur në qytetin e Vlorës. Muzika është një nga pasionet e tij më të mëdha. Në vitin 2023, Jonidi konkurroi në X Factor si pjesë e grupit “The Chemicals”, ku së bashku kënduan këngë jo vetëm në gjuhën shqipe, por dhe në anglisht e italisht dhe arritën deri në çerek finale.
Më pas ai merr pjesë në konkursin “Tirana Art Fest” ku ka marrë vendin e tretë. Jonidi konkurron po ashtu dhe në “Tirana Sing” ku arrin që të rrëmbejë vendin e parë. Ai publikoi këngën e tij të parë që mban titullin “Ku je”, me të cilën debuton në “The Top List”.
