Erta Maria, Laura dhe Dea janë tre motrat që përbëjnë grupin muzikor të vajzave, Threex. Së fundmi, ato kanë publikuar projektin e tyre më të ri muzikor, që mban titullin “Eyes on me”.
Ky projekt i ka rikthyer ato në listë pas më shumë se një viti mungesë. Dhe duket se pas kësaj periudhe pauze, vajzat tona kanë ardhur plot me energji të reja e të fuqishme.
“Eyes on me” është prej 5 javësh pjesë e klasifikimit të “The Top List” dhe dy javët e fundit është pozicionuar në vend të tretë. Dukshëm projekti i Threex është pritur mjaft mirë nga fansat e tyre që ua kishin ndierë mungesën.
Por sukseset e Threex nuk mbeten me kaq. Këtë muaj, ato kanë festuar dhe 3-vjetorin e krijimit të tyre si grup.
E ndër të tjera kanë njoftuar se shumë surpriza të bukura mezi presin që t’i ndajnë me fansat e tyre. Po ashtu kanë paralajmëruar se shumë shpejt do të publikojnë dhe këngën e tyre të re.
