Pas një kohe shumë të gjatë, Vserlo rikthehet sërish në “The Top List”. Artisti ka publikuar vetëm disa ditë më parë këngën më të re, aq të shumëpritur nga fansat e tij.
Vserlo dallohet për një stil mjaft të veçantë dhe dinamik. Por kënga e tij e re vjen pak më ndryshe se zakonisht…
Projekti i fundit i Vserlo mban titullin “3 vite pa ty” dhe është një baladë shumë e ndjerë. Siç kuptohet dhe nga titulli, kënga përcjell shumë emocion dhe nostalgji së bashku.
Kjo baladë mbase do t’ju fusë thellë në mendime dhe ndoshta një pjesë e mirë prej jush do të gjejnë patjetër diçka nga vetja. “3 vite pa ty” e rendit Vserlon në vend të pestë për këtë javë.
