“Asaj që ishte…”/Klajdi Musabelliu publikon këngën e re: Diçka ndryshe dhe interesante!

I ftuar mëngjesin e sotëm në studion e “Wake Up”, ka qenë këngëtari i njohur Klajdi Musabelliu. Ai ka publikuar së fundmi projektin e tij më të ri që mban titullin “Ajo” dhe është prej dy javësh pjesë e “The Top List”. Se si lindi kjo këngë, na flet vetë më shumë Klajdi…

Kjo është një këngë që e kisha në xhep që vitin e kaluar. Por duke u marrë me projekte filmike, mbeti pak anash. Doja të krijoja një eksperiencë në projeksionet kinematografike. Vetëm kur një ditë e shoh në playlistën në telefon. Mendova së bashku me Bernard Hulmen, që është producenti i këngës, që ta nxirrnim tani. Vendosëm ta realizojmë. Videoklipi është realizuar nga Drilon Hoxha.

A është një dedikim?

Bernardi më tha që kur e krijoi e kishte mendjen tek unë, që më shikonte mua tek kjo këngë. Unë për “atë” i kam këngët e mia, për atë që ishte ose është. Në këtë rast është për atë që ishte, nuk është më, prandaj “është në kry tem”. Besoj se është diçka ndryshe si këngë. Është një produksion interesant. Nuk është ai Klajdi i përhershëm. Është dhe gërshetimi i inteligjencës artificiale me të vërtetën, një Klajdi që vjen më i freksët, më i ri.

Si ka ndikuar “Big Brother” në karrierën tënde, pasi që pas daljes tënde ke ardhur me disa këngë të reja?

“Big Brother” më hapi shymë dyer dhe dritare, më hoqi atë pluhurin. Kam filluar të jetoj nga e para, po ushqehem shpirtërisht. Nuk mund të ankohem për asgjë. Është një program që nuk të bën pis, e ke vetë në dorë. Është një eksperiencë e paharrueshme.

A ke ndonjë lojtar të preferuar dhe si po i shikon të gjithë konkurrentët deri në këtë pikë?

Kisha dhe kam. Isha me Shpatin, por ndodhi ajo që ndodhi. Isha me Stinen se jemi kolegë prej vitesh, por dhe ai doli. Më pëlqen Kristi, Stenaldo, më pëlqente Stelina. Stenaldo është një djalë shumë i zgjuar, i lexuar. Do më pëlqente të ishte fituesi.

Gjej veten tek dramat e tyre, por më duken shumë real nga ata të tjerët që janë në rol. Më pëlqejnë ata që janë të drejtpërdrejtë dhe e kanë mendjen e ndritur. Nuk e gëlltis dot që në kuadër të lojës të bësh gjithçka. Ka një limit. Nuk mund të përdorësh lojën si justifikim. Nuk më pëlqen.

Nuk më pëlqen loja e tij, por është shumë interesant, Rogerti. Ai është modeli i lojës që nuk e kam pëlqyer kurrë. Publiku ka filluar ta pëlqejë. Mund t’i kuptoj në kuadër të lojës gjërat që bën. Është një lloj loje që nuk më pëlqen, por është i suksesshëm. I funksionon ai rol. Nuk më duket si kostum i qëndisur për të, por atë rol ka zgjedhur dhe do ta çojë deri në fund.

Si e shikon romancën mes Brikenës dhe Mateos?

Është një vajzë me zemër guri. Nuk e di çfarë shenje është ajo në horoskop, por iu përgjigja kërkesës së saj, vura bark (qesh). E kuptoj që është para kamerave, e sheh familja. Mateo nuk është djalë i keq. Nuk e di si mund t’i rezstojë atij. Atij i shkëlqejnë sytë.

Çfarë mendimi ke për dyshen Selin-Miri?

Selin është si shpirt, është mjaft e bukur, kaq. Mirin e njoh pak, kam ngrënë një drekë në shtëpinë e tij. Nuk më pëlqeu si e nisi. Kur nuk kam ndonjë gjë të mirë për të thënë, më mirë nuk komentoj fare. E kuptoj që është i martuar, mund të thoshte që e pëlqen. Është më e drejtë, më e pastër. Nuk më pëlqeu kur e tha që e sheh si vajzën e tij. Më mirë drejt, se sa kështu. Sepse krijon antipati. Njerëz jemi. Edhe po t’i thuash që e pëlqen, je në kuadrin e lojës. Nuk ka asgjë të keqe.

Kë do shpëtoje nga ky nominim aktual?

Kristin, është një ndër të preferuarit e mi. Greta dhe Krusita janë më të rrezikuara. Mendoj se Greta bën valixhen gati sot. Në çdo “Big Brother” ka personazhe që nuk arrijnë të shpërfaqen dot.