Rei Bezhani është një pianist i suksesshëm i zhanrit klasik ku numëron rreth 16 cmime të para kombëtare dhe ndërkombëtare dhe mbi 20 koncerte solistike ndër vite. Me një eksperiencë të gjithanshme në rrethet klasike të muzikës, ku prej 4 vitesh është dhe në mësimdhënie.
Pjesë e botës së televizionit që në 2016-tw, me pjesëmarrjen e tij të parë si këngëtar në talent show “The Voice of Albania”. Më pas në 2017 pjesë e festivalit “Kënga Magjike” me këngën “Ëndërr”.
Në 2018 vë në skenë një “Musical Show” që e drejtonte vetë si Showman e titulluar “Omlete”, shfaqje e cila vazhdon ende transmetohet ne Digitalb.
Në 2019 prezantohet dhe fiton emër më gjerë në treg me bashkëpunimin e tij me artisten e mirënjohur Irma Libohova. Një këngë me titullin “Peng”. Fill pas kësaj pjesë e talent show “Top Talent” në Top Channel tek i cili doli në finale dhe u shpall fitues në kategorinë prezantim dhe këngë.
Më pas vijon me emisionin televiziv “Këndo këngën time” ku ishte pjesë e kastit për 12 javë në Vizion Plus.
Në korrik 2020 nxjerr një single, “Flakë” ku ishte si kantautor, këngë e cila u prit mjaft mirë.
Aktualisht pjesë e ABC NEWS në emisionin “E ardhmja është vajzë” si pianist dhe këngëtar. Gjithashtu ndër vite pjesë e koncerteve të ndryshme live edhe emisioneve të ndryshme si i ftuar për të promovuar aktivitetin e tij artistik.