Greta Koçi ka lindur më 26 shtator 1991 në qytetin e Kuçovës e banon në Tiranë. Talenti i saj për muzikën është shfaqur në moshën 5-6 vjeçare, ku fillimisht ka drejtuar emisionet e fëmijëve në stacionin televiziv të babait të saj, TV1 në Shkodër.
Ne vitin 1996, interpretoi këngen e saj të parë për fëmijë, e titulluar “NE EKRANIN TONE”, me tekst dhe muzikë nga nëna e saj dhe me orkestrim te Kujtim Alise. Kjo kënge u realizua me një vidioklip dhe mund të thuhet se ishte realizimi i parë i vidioklipeve në Shqiperi i realizuar nga Shkodra TV1.
Në moshën 12- vjeçare ka fituar çmimin e parë në konkursin e interpretuesit më të mirë “live” që u zhvillua në Radio Tirana. Në moshën 13 vjeçare u realizua bashkëpunimi me këngëtarin Erion Korini me këngën “KUSH KA FAJ”, duke u bërë mjaft e famshme për publikun shqiptar.
Në mars 2008, filloi një TOUR koncertesh në të gjitha sheshet dhe pallatet e sportit në të gjithë Shqipërinë. Touri u realizua për 2 muaj. Greta Koci shoqërohej nga trupa e baletit dhe një ekip teknik prej 37 personash.
Përveçse një këngëtare e talentuar, Greta ka mbaruar studimet e larta për Shkenca Politike-Administrative. Greta ka qënë mjaft e anagazhuar në politike, duke marrë edhe poste drejtuese.
Mbas mbarimit te mandatit Politik, në vitin 2015, Greta i rikthehet fuqishëm jetës artistike me krijimtari dhe bashkëpunime shumë të suksesshme.