Kjo javë ka sjellë vetëm hyrje të re në klasifikimin e Top Awards dhe është pikërisht Redknots, i cili është bërë pjesë e listës për herë të parë.
“Një grimcë dashuri” mban titullin kënga më e re e grupit, i cili ka vetëm pak kohë që ka bërë debutimin e tij muzikor.
Kjo këngë nuk i ka shpëtur veshit të publikut, i cili e ka sugjeruar menjëherë që kjo këngë t’i shtohet klasifikimit të 100 këngëve më të bkura të muzikës shqiptare, e cila është pozicionuar në vendin e 20-të.
Po kush është Redknots?
Redknots është një grup nga Kosova, i cili krijo dhe performon muzikë të zhanreve të ndryshme.
Zyrtarisht ky grup është formuar në vitin 2020-të dhe derimë tani numëron tre këngë dhe një “cover”.
Të gjitha këngët e publikuara janë realizuar në kushte shtëpie, dy janë publikuar në SoundCloud ndërsa e fundit gjendet edhe në Youtube.
Edhe pse një vit i vështirë për muzikën, Redknots ka vendosur të performojë “live”, në shenjë proteste për shkeljen e rregullave ndaj pandemisë nga ana e politikanëve. Debutimi i tyre “live” është pritur mjaft mirë, duke i motivuar katër anëtarët e grupit të vijojnë edhe më tej me muzikën e tyre.
Redknots përbëhet nga Artin Shabani – Basist nga Ferizaj; Clirim Shabani – Kengetar dhe kitarist nga Ferizaj; Leutrim Shabani – Kitarist dhe keys nga Ferizaj; Lum Veseli – Baterist dhe back vokal nga Prishtina.
