menu

Vesa Luma

#Bio

Falë zërit të ëmbël me një shtrirje të madhe dhe me ngjyrë të veçantë por edhe vullnetit të madh për të krijuar gjëra të bukura këngëtarja Vesa Luma arriti të pushtojë zemrat e muzikëdashësve të të gjitha gjeneratave të cilët e admirojnë pa masë. Me një natyrë të butë dhe fytyrë engjëllore, sa herë që paraqitet në skenë ajo krijon një atmosferë elektrizuese duke arritur ta ngrijë në këmbë të gjithë publikun. Tanimë jemi mësuar ta gjejmë gjithmonë nëpër vendet e para të toplistave vendore duke lënë pas vetës shumë këngëtarë të tjerë të njohur. Fansat e saj e adhurojnë pa masë sepse është një vajzë komunikative, e çiltër, e sinqertë, dhe në të njëjtën kohë është këmbënguleëe dhe shumë ambicioze.

Vesa Luma rrjedh nga një familje intelektualesh. Pasionin dhe talentin e ka të trashëguar nga nëna e saj, ndërsa për herë të parë ka kënduar në moshën 5-vjeçare në “Akordet e Kosovës” bashkë me grupin për fëmijë “Xixellonjat”, duke e filluar kështu mbarë karrierën e saj solistike. Vesa ka mbaruar shkollën e ulët të muzikës për flaut, ndërsa ka vazhduar shkollën e mesme të muzikës “Prenk Jakova” në Prishtinë, dega e “solo- kendimit”. Ndërsa është diplomuar në Univerzitetin AAB (dega komunikim masiv dhe gazetari). Të njëjtën kohë Vesa ka punuar rreth 7 vite në mediumin publik RTK si gazetare – prezantuese.

Talenti i saj për muzikë është veçuar gjatë audicionit shumë të njohur shqiptare “Ethet e se premtes mbrema” ku Vesa arriti të jetë finaliste e këtij spektakli, falë talentit dhe zërit të saj shumë të vlerësuar nga kompozitorët dhe muzikantët më të njohur në Shqipëri. Pas këtij suksesi, ajo ka vazhuar karrierën e saj solistike, duke realizuar albumin “Te kam dashur shume” ,duke rrëmbyer shumë çmime në festivalet më të njohura shqiptare dhe duke u dekoruar me shumë epitete. Vesa Luma përveç koncerteve të shumta të saja solistike, ka qënë pjesëmarrëse e çdo koncerti humanitare në Kosovë ndaj dhe është shpallur nga Ministria e Kultures (Departamenti I Rinise) si “Ambasadore e Vullnetit te Mire”. Falë talentit, personaliteti të thjeshtë dhe punës së saj të madhe, Vesa Luma ishte gjithashtu imazh publicitar i dy kompanive më të mëdha në Kosovë dhe Shqipëri Ipko – Digitalb.

Këngët e Vesës janë pothuajse të gjitha hite të shitura në shumë kopje. Këngët e saj “Jemi dhe s’jemi” “Amanet”,”Boom” “Edhe nje fundvit” etj janë ndër hitet e saj më të mëdha, këngë të dëgjuara jo vetëm në Kosovë e Shqipëri por në gjithë Ballkanin. Vesa Luma ishte anëtare e jurisë së spektaklit shumë të njohur “X Factor Albania” ku drejtoi si mentore grupin “mbi 23 vjec”

Në vitin 2013 Vesa realizoi edhe albumin e saj te dytë ” PopCult” nga i cili dolën shumë hite si “24 ore” ” I ndaluar”,”Nuk do flejme” etj. këngë e klipe të vlerësuara gjithashtu në kompeticione e festivale të ndryshme.