menu

NRG Band

#Bio

NRG Band u themelua gjatë vitit 2000 nga tre vëllezërit – Qaka, me bashkangjitjen e Besnikut (vokal dhe tupana) dy vëllezërve të tij, Arbenit (gitarë) dhe Metit(bas), që të dy deri atëherë, anëtarë të ish-grupit Dora D’Istria.

Arbeni e Meti si Dora D’istria, në vitet ’92-’93, u paraqiten në disa festivale “rock” me disa shokë muzikantë, si Boom Festivali – në Mitrovicë, dhe Rock Festivali – në Pejë. Në vitin 1996 ata realizuan projektin e parë – “Funk-in t’a dëgjojmë”, në studion e mirënjohur të kohës “Positive Enertainment” të Enis Preshevës, por për fat të keq për shkak të rrethanave të atëhershme – ky inçizim nuk arriti të publikohej.

Që prej vitit 2000, NRG Band, përveç se performoi nëpër shumë klube në mbarë Kosovën e të trojeve tjera shqiptare, u paraqit edhe në disa festivale, si në Kosovë ashtu edhe në Shqipëri, duke arritur një sukses të shkëlqyer.

Në fund të vitit 2004 realizohet albumi i parë i grupit – “Ama …” me gjithsejt 12 këngë. Menjëherë pas realizimit të albumit, grupit i bashkangjitet edhe anëtari i katërt, Xhengiz Boshnjaku – sint, dhe rrjedhimisht pas kësaj periudhe të editimit të albumit dhe konsolidimit pason paraqitja e grupit në skena e klube, festivale si dhe në disa koncerte humanitare nëpër Kosovë, Maqedoni, Shqipëri e në diasporë.

Në ceremoninë e ndarjes së çmimeve “Top Music Awards 2016”, NRG Band u shpall “Grupi më i mirë i vitit”.