menu

Getinjo

#Bio

Getoar Aliu (GHETTO / Getinjo) lindi në Kosovë, por në vitin 1993 familja e tij emigroi në Gjermani. Atje u rrit në një frymë evropiane dhe përjetoi një jetë ndryshe prej të tjerëve. I dashuruar me muzikën, në vitin 2002 publikoi shkrime dhe poezi të ndryshme në festivale shkollore.

Në vitin 2004, Ghetto kthehet në Kosovë në vendlindjen e tij në Ferizaj dhe aty filloi të inspirohet për jetën dhe veprimtarinë e tij të ardhshme. Filloi të shkruante tekste të ndryshme mbi rrugën, pjesën e jetës që la pas dhe mbi çdo gjë që e rrethonte.

Ka pasuar inçizimi i këngës së parë në vitin 2007 në një studio professionale në Prishtinë, kurse në vitin 2009 u publikua videoklipi i tij i parë për këngën “Goodbye My Love”.

Po Ghetto mund të thotë se kënga që i hapi rrugën drejt suksesit ishte kënga e publikuar në vitin 2011 dhe që titullohet “AJO”. Kjo këngë ka ndikuar shumë tek fansat shqiptarë, sidomos tek ata qe duan muzikën HIP-HOP.

Në fund të vitit 2011, Ghetto plasoi albumin e tij të parë me titullin “YOUNG GHETTO”. Albumi ka 20 këngë me tema të ndryshme.

Më pas vijuan videoklipe të shumta dhe mbi të gjitha, ai filloi të thirrej Getinjo.