Elita 5 është një grup rock shqiptar i formuar në Tetovë në vitin 1988. Grupi përbëhet nga vokalisti Arif Ziberi, kitaristi Mevaip Mustafi, bateristi Besim Ibraimi, basisti Agron Idrizi dhe tastieristi Nexhat Mujovi. Me një tingull të rëndë rock dhe ndikim shqiptar, grupi konsiderohet një nga veteranët e rock-ut shqiptar dhe këngët e tyre kanë një bazë shumë të madhe fansash në Shqipëri.

Elita 5 është një nga grupet që shënoi dhe tregoi rrugën e muzikës rock shqiptare në periudhën e paskomunizmit. Grupi u formua në vitin 1988 në qytetin e Tetovës, Maqedoni, megjithëse regjistrimi i tyre i parë u botua si një album i titulluar Elita 5 në 1990. Ata kanë refuzuar vazhdimisht të luajnë në festivale konkurruese duke thënë se “banda nuk i përket festivaleve”, duke preferuar koncertet.

Në një koncert të vitit 2001, grupi hapi koncertin për grupin gjerman të ‘heavy metal’, “Scorpions”, vokalisti Arif Ziberi në një intervistë theksoi se ky ishte një nga momentet më emocionuese në jetën e tij. Në vitin 2008 grupi organizoi një koncert humanitar në Tetovë, Maqedoni për viktimat e shpërthimit të Gërdecit të vitit 2008. Ata marrin pjesë në shumë koncerte dhe çdo vit ftohen të mbyllin Festivalin e Birrës në qytetin e Korçës.