Pavarësisht se është hera e parë që gjendet në “The Top List”, Bardulla nuk është një emër i panjohur për publikun shqiptar. Nëse do të shohim në kanalin e “Youtube” ai numëron disa projekte muzikore, kryesisht bashkëpunime.

Shumë komentues madje shprehen të lumtur që ky reper i është rikthyer muzikës pas një pauze muzikore. Madje në profilin e tij në Instagram, ai ka shkruar se është rikthyer.

Nga kërkimet në “Youtube”, projekti i fundit i publikuar nga ky reper ka qënë rreth 6 vite më parë, një kohë e gjatë kjo pa prodhuar muzikë.

Kujtojmë gjithashtu se Bardulla, i cili më parë njihem me emrin Bardool, ka qënë gjithashtu pjesëmarrës në “Top Fest 3” me një bashkëpunim me Keos dhe Dj Blunt, me këngën e titulluar “Hey”.